ترس
کە منداڵ بووم
هەموو شەوێ
دایکم بە ڕاز و چیرۆکی ئەودیوسروشت، دەیتۆقاندم!
نەیدەزانی،
دەروونم بە ترس دەتەنێ
بە تارمایی دێودرنج دەیخەواندم!
کە گەورەبووم
دوایی زانیم
بانیسروشت هەر سەرابە!
بەڵام دایکم تا هەنووکە
لە هەبوونی ئەو سەرابە
عومری یەکپارچە عەزابە!
ماڵپەڕی ژیانەوە وەک میدیایەکی ئازادیخوازی سیاسی، وەک ماڵپەڕێک بۆ ئازادی و ژیانخوازی کەوتۆتەکار، تاببێت بە پێگەیەکی تر بۆ پەرەدان بە ئازادی و ئایدیا ئازادیخوازەکان، سەکۆیەک بۆ بکەرانی، بۆ بەرەنگاری و گۆڕینی ئەو ژیانە باوەی لێوان لێو بووە لە ستەمکاری و چەوسانەوە، هەروەها تێهەڵچوونی زیاتر بۆ گۆڕانکاریی سیاسی خوازراو و بەهێزکردنی بەدیلی سیاسیی نوێ.
