دەستپێکی ئەو جوڵانەوە کۆمەڵایەتی – سیاسییە، هەوڵێک بوو بۆ پەڕاندنەوەی شێوەی حوکمڕانی هەرێمی کوردستان لە دەسەڵاتێکی ئۆلیگارشی بنەماڵەییەوە بۆ سیتمێکی نیشتمانی کە یاسای مرۆیی و عەدالەتی کۆمەڵایەتی لانیکەم وەک کۆمەڵگە ئاساییەکان تیایدا بەرقەرار بێت و ئازادیەکان و خزمەتگوزاریە گشتیەکان دەستەبەر بن.

ڕۆژی ١٧ی شوبات نزیکەی ٣،٠٠٠ خوێندکاری زانکۆ و کەسانی تری خۆپێشاندەر کۆدەبنەوە، ھەندێکیان دەڕۆنە بەردەم لقی چواری پارتی دیموکراتی کوردستان و بەردبارانی دەکەن، چەکدارانی حیزبەکەش بە فیشەک وەڵامی خوێندکاران و خۆپێشاندەران دەدەنەوە

بەردەرکی سەرا

هەر لە٢١ی مانگ لە سەرای ئازادی سلێمانی چالاکانی مەدەنی بەبەرگی سپییەوە پەرژینێکی مرۆییان لە نێوان هێزە ئەمنیەکان و خۆپێشاندەراندا دروست کرد و بەپێدانی گوڵ هەوڵیاندا توندوتیژیەکان خاوبکەنەوەو پەیامی ئەوە بدەن بە هێزە چەکدارەکان کە خۆپیشاندان بەدژی ئەوان نیە و بەڵکو بۆ ئامانجێکە خێری ئەوانیشی تێدایە، لەناو هێزە ئەمنیەکانیشدا هاوسۆزی زۆر لەگەڵ خۆپیشاندانەکان هەبوو.

پرۆژەیەکی شکست خواردوو

ئەم پرۆژەیە ئەوەندەی خەونێکی رۆشنفکرانە بوو، ئەوەندە لەسەر بنەمای خوێندنەوەیەکی واقیعبینانە بۆ هەرێمی کوردستان و ناسینی واقیعی دەسەڵاتی کوردی، بنیات نەنرابوو، هەربۆیە وەکچۆن بەخێرایی گەشەیکرد ئاوهاش بەزوویی شکستی خوارد

هەڵهاتنی هیوا مستەفا بەرپرسی لقی پارتی لە سلمانی کە خۆی کرد بە بریندار و دەرباز بوو لە دەستی شۆرشی گەل.

هێزی چەکدارانی پارتی تەقە لەخەڵک دەکەن

بزووتنەوەی گۆڕان، پرۆژەی لێبراڵی خۆی لەناو ئەم جوڵانەوەیەدا جێکردەوەو هێزی لێوەرگرت و هاوکات هێزی پێبەخشی، بوێری دژی دەسەڵات زیادیكرد و خەڵک سامی لە دەسەڵات شکا، گەندەڵییەكان ئاشكراتر دەركەوتن، ئەوانەش گوڕوتینی زیاتری بە بزووتنەوەی ناڕەزایەتی خەڵك دا، كە خۆشباوەڕی بە رابردووی كۆمەڵەی رەنجدەران و كاریگەری لیبراڵیزم لەسەر رەوەندی كوردی لە دەرەوە و كاری چەندین ساڵەی رەهەندیەكان رۆڵی هەبوو تیایدا.